தாயின் அன்பிற்கு ஈடாகுமா

எத்தனை எட்டு கட்டி, மெட்டுக் கட்டிப் பாடினாலும்
அன்னையின் தாலாட்டைப் போல் வருமா?

எத்தனை சொந்தங்கள் நம்மீது
பாசம் காட்டினாலும்,
அத்தனை சொந்தங்களும்
தாயின் பாசத்திற்கு ஈடாகுமா?

“நீ என்ன சம்பாதிக்கிறாய்?”
என்று கேட்பதற்கு முன்,
“நீ எப்படி இருக்கிறாய்?
சரியாகச் சாப்பிட்டாயா?”
என்று அக்கறையுடன் கேட்கும்
உன்னதமான தெய்வம் அன்னை!

ஆயிரம் குறைகள்
நம்மிடம் இருந்தாலும்,
அத்தனை குறைகளையும் மறந்து,
தன் அன்பினால் அரவணைத்து,
நம்மை என்றும் நேசிக்கும்
அன்னை ஒரு தெய்வம்!

அந்தத் தெய்வத்தின் பெயர்தான் தாய்!