மரச்சிற்பங்கள்

மறித்துப் போன மரங்களின்
மறுபிறவி
எச்சங்கள் கழிந்த எழிலோவியம்

கூர்மை தீட்டிய ஓவியம்
காலத்தால் அழியாக் காவியம்

கலைஞன் கருத்தரித்து
கண் மூடா தவமிருந்து
பெற்றெடுத்த பேறு

ஆயுள் இழந்து
அழகுப் பொருளாகும்
உணர்ச்சியில்லா
உயிர் பெறும்

வண்ணச் சேர்க்கையில்
வடிவு பெறும்
எண்ணம் கூட்டி ரசிக்க வைக்கும்

உண்மைக்குப் போட்டியாகி
உருவம் தாங்கும்
பொய்மையின்றிப்
பெரும் பயனாகும்

ஆடாது அசையாது
காட்சியாகி
அழகால் நம்மை ஆட்டுவிக்கும்

மரச் சிற்ப மனிதர்கள்
நாநிலத்தில் உண்டு
நல்ல பயன் தருவர்
தன் நலம் துறந்து.
*********************************
தமிழ்நிலா