வாழ்க்கை

வாழ்க்கை

விதைக்காமல் மலராது எந்த மலரும்,
விடியாமல் மறையாது இரவின் இருளும்,
போராடாமல் கிடைக்காது வாழ்வின் வெற்றியும்,
பொறுமையின்றி நிலைக்காது மனதின் வலிமையும்.

அலைகள் மோதினால் கடல் அழுவதில்லை,
அடிகள் பட்டாலும் பாறை உடைவதில்லை,
காற்று எதிர்த்தாலும் மரம் சாய்வதில்லை,
காலம் சோதித்தாலும் மனம் தோற்பதில்லை.

கையில் இருப்பது சிறிதாயினும்
கனவு மட்டும் பெரிதாகட்டும்;
பாதை நீளமாக இருந்தாலும்
பயணம் மட்டும் தொடரட்டும்.

நேற்று கற்ற பாடமாகட்டும்,
இன்று புதிய தொடக்கமாகட்டும்,
நாளை நம் முயற்சியின் சாட்சியாகட்டும் —
வாழ்க்கை ஒருமுறை கிடைக்கும் வரம்;
அதை வாழ்ந்து காட்டுவதே நம் திறம்!