மூன்று குரங்குகள்

உண்மை பேசிட, உலகம் போற்றும்.
உத்தம தலைவன், காட்டிய பொம்மைகள். நன்மை செய்தால், நன்மை விளையும்.
தீமை செய்தால், தீமை சூழும். கண்களின் குளிர்ச்சி, பசுமை போற்றும். கண்டதைக் கண்டிட, தன் ஒளி குன்றும். செவிகளின் இனிமை, இன்சொல், இன்னிசை. கூர்வாளின் இழிந்ததே, வன்சொல் கேட்டல். நாவின் நயமோ நல்லதை நவிலல்.
கடுஞ்சொல் பிறரை அழிக்கும். கனி இருக்க, காய் உண்ணல் மனிதனின் அறிவீனம். நல்வழி இருக்க, தீவழி செல்லல் அவமானம். உண்மை பேசு, நன்மை பேசு நலம் உண்டாம். அல்லதைத் தவிர், அல்லல் நீங்கும், உணர்வாய். காண்பதும், கேட்பதும்,சொல்வதும் இனிமை, தூய்மை, அறமே என வாழ்ந்திடு, நாளும் மனிதம் போற்றிடு.